ബൈക്കില്‍ നിന്ന് തെറിച്ച് ഇലക്ട്രിക് പോസ്റ്റില്‍ തലയിടിച്ച് വീണ ഐ.ടി വിദ്യാര്‍ത്ഥി മരിച്ചു

കാഞ്ഞങ്ങാട്: നിയന്ത്രണം വിട്ട ബൈക്കില്‍ നിന്ന് തെറിച്ച് ഇലക്ട്രിക് പോസ്റ്റില്‍ വീണ് തലയ്ക്ക് ഗുരുതരമായി പരിക്കേറ്റ ഐ.ടി വിദ്യാര്‍ത്ഥി മരണപ്പെട്ടു.ബേഡഡുക്ക താലേക്കുന്നിലെ കെ.വി. കുമാരന്റെ മകനും കാഞ്ഞങ്ങാട്ടെ ഗ്രോടെക് ഐ.ടി. യില്‍ രണ്ടാം വര്‍ഷ വിദ്യാര്‍ത്ഥിയുമായ കെ.വി. സതീഷ് കുമാര്‍ (22) ആണ് മരിച്ചത്. കൂടെയുണ്ടായിരുന്ന വിനീഷിനെ സാരമായ പരിക്കുകളോടെ ആശുപത്രിയില്‍ പ്രവേശപ്പിച്ചു.

കൂടെയുണ്ടായിരുന്ന സുഹൃത്ത് വിനീഷിന് (22) സാരമായി പരിക്കേറ്റു. ശനിയാഴ്ച രാത്രി പെരിയ കല്യോട്ടാണ് സംഭവം. പഠനത്തോടൊപ്പം വയറിംഗ് ജോലി ചെയ്യുന്ന സതീഷ് കുമാര്‍ പെരിയയില്‍ നിന്ന് ബൈക്കില്‍ വീട്ടിലേക്ക് മടങ്ങുമ്പോഴാണ് അപകടമുണ്ടായത്. തലക്ക് സാരമായി പരിക്കേറ്റ സതീഷ് കുമാറിനെ ആദ്യം കാസര്‍കോട്ടെ സ്വകാര്യാശുപത്രിയില്‍ എത്തിച്ചെങ്കിലും നില ഗുരുതരമായതിനാല്‍ മംഗലാപുരത്തേക്ക് മാറ്റുകയായിരുന്നു. എന്നാല്‍ വഴിമധ്യേ മരണപ്പെടുകയായിരുന്നു.

മാതാവ്: കാര്‍ത്യായനി. സഹോദരങ്ങള്‍: ശ്രീജിത്ത്, വിജിഷ

Keywords: Kasaragod, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News