പ്‌ളസ് വണ്‍ വിദ്യാര്‍ഥിനി ആത്മഹത്യ ചെയ്ത സംഭവത്തില്‍ നാലുപേര്‍ അറസ്റ്റില്‍

കോട്ടയം: കാഞ്ഞിരപ്പള്ളിയില്‍ പ്‌ളസ് വണ്‍ വിദ്യാര്‍ഥിനി ആത്മഹത്യ ചെയ്ത സംഭവവുമായി ബന്ധപ്പെട്ട് നാല് യുവാക്കളെ പോലീസ് അറസ്റ്റ് ചെയ്തു. അന്‍വര്‍, അജ്മല്‍, ഇര്‍ഷാദ്, നവാസ് എന്നിവരെയാണ് പോലീസ് അറസ്റ്റ് ചെയ്തത്. ലൈംഗിക പീഡനത്തിന് വിധേയയായതിനെ തുടര്‍ന്നാണ് പെണ്‍കുട്ടി ആത്മഹത്യ ചെയ്തതെന്ന് പോലീസ് പറഞ്ഞു.

പൊന്‍കുന്നം കുഴിക്കാട്ടുപടി വേണാട്ട് വീട്ടില്‍ ബിന്ധ്യയെയാണ് ഈ മാസം പന്ത്രണ്ടിന് കാഞ്ഞിരപ്പള്ളി ബസ്‌സ്റ്റാന്‍ഡിന് സമീപം സയനൈഡ് കഴിച്ച് മരിച്ചനിലയില്‍ കണ്ടെത്തിയത്. ബിന്ധ്യയോടൊപ്പം അവശനിലയില്‍ കണ്ടെത്തിയ സഹപാഠി ആസ്പത്രിയില്‍ ചികിത്സയിലാണ്.

അറസ്റ്റിലായ യുവാക്കള്‍ പെണ്‍കുട്ടികളെ പ്രണയം നടിച്ച് വലയിലാക്കിയശേഷം ലൈംഗിക പീഡനത്തിന് ഇരയാക്കുകയായിരുന്നുവെന്ന് പോലീസ് പറഞ്ഞു.

Keywords: Kasaragod, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News